Bugun bokschilarimiz Rossiyada IBF kamarlari uchun jang qilishadi

Takidlash joiz, oqshom doirasida to'rt nafar o'zbekistonlik tajribali bokschi ringga ko'tariladi. Ularning ikki nafari o'z vaznlarida IBF Intercontinental kamari uchun jang qilishadi. 

Ikkinchi eng engil vaznda IBF Intercontinental kamari uchun kechadigan jangda buxorolik Muhammad SHexov (14-0-1) Osiyoning kuchli charm qo'lqop ustalaridan Zong Liu (Xitoy, 19-1-0) bilan to'qnash keladi.

Oqshomning markaziy jangi engil vazn toifasida rossiyalik Zaur Abdullaev (19-1, 11 KOs) hamda argentinalik Xuan Xaver Karrasko (20-1, 12 KOs) o'rtasida bo'lib o'tadi. Jang g'olibi IBF reytingida ikkinchi o'ringa ko'tarilib oladi va katta ehtimol bilan keyingi jangini to'lqaonli chempionlik kamari uchun o'tkazadi. 

Hamyurtlarimiz ishtirokidagi janglar:

Ikkinchi eng engil vaznda IBF Intercontinental kamari uchun: Muhammad SHexov (14-0-1) - Zong Liu (Xitoy, 19-1-0)

Ikkinchi o'rta vaznda IBF Intercontinental kamari uchun: Ulug'bek Sobirov (14-3-0) - Pavel Silyagin (Rossiya, 14-0-1)

Birinchi yarim o'rta vaznda: Jahongir Rasulov (7-0-1) - Ivan Kozlovskiy (Rossiya, 9-0-0)

O'rta vaznda: Bahromjon Fozilov (10-3-3) - Jambulat Bijamov (Rossiya, 1-0-0).

Bugungi prof boks oqshomi bizning vaqt bilan soat 15:00 da boshlanadi.