Bugun Bokuda Ozarbayjon - O'zbekiston o'yini bo'lib o'tadi

Osiyo chempionati saralashiga tayyorgarlik ko'rayotgan Bahrom Norsafarov boshchiligidagi jamoamiz kecha Ozarbayjon poytaxti Boku shahriga jo'nab ketdi.

Bokudagi o'quv-mashg'ulot yig'inlari doirasida mezbon terma jamoaga qarshi ikkita o'rtoqlik uchrashuvi o'tkazilishi rejalashtirilgan. O'yinlarning dastlabkisi aynan bugun bo'lib o'tsa, ikkinchi uchrashuv 17 iyulda o'tkaziladi.

Takidlash kerak, O'zbekiston ayollar terma jamoasining rasmiy uchrashuvlari shu yilning 27 oktyabridan 4 noyabriga qadar Osiyo chempionatiga saralash bosqichi doirasida bo'lib o'tadi.

Malumot uchune, O'zbekiston ayollar terma jamoasi saralashning “V” guruhidan o'rin olgan bo'lib, Xitoy Taypeyi, Gongkong, Tojikiston hamda Pokiston terma jamoalariga qarshi baxs olib boradi. Ushbu jamoalar o'rtasidagi saralash o'yinlari Tojikistonda bo'lib o'tadi.