Bugun chempionlik partiyalari o'ynaladi. SHaxmatchilarimizning bugungi ilk raqiblari

Bugun rapid yo'nalishida 4 ta tur o'tkaziladi. O'zbekistonlik shaxmatchilar orasida eng yaxshi natijaga erishib turgan rapid bo'yicha amaldagi jahon chempioni Nodirbek Abdusattorov bizning vaqt bilan soat 14:00da boshlanadigan 10-turda xitoylik Yang Yi Yuga qarshi oq donalarda o'ynaydi. 

Nodirbek 9 partiyaning 6 tasida g'alaba qozonib, 7 ochko bilan qo'shimcha ko'rsatkichlarga ko'ra 178 shaxmatchi orasida 3-o'rinni egallab turibdi. Uning bugungi ilk raqibi esa 6,5 ochko bilan 9-pog'onada bormoqda. 

SHaxmatchilarimizning 10-turdagi raqiblari (erkaklar): 

Nodirbek Abdusattorov (2676) - Yang Yi YU (Xitoy, 2743) 

Nodirbek Yakubboev (2573) - Rasmus Sven (Germaniya, 2641)  

Tin Jingyao (Singapur, 2462) - Javohir Sindarov (2596)

Sanal Vahap (Turkiya, 2547) - SHamsiddin Vohidov (2481) 

Sankalp Gupta (Hindiston, 2725) - Jahongir Vohidov (2529)

Muhiddin Madaminov (2337) - Nikita Petrov (FIDE, 2519)

Amit G'asi (Angliya, 2536) - Muhammadzohid Suyarov (2089) 

Humoyun Begmuratov (2292) - Jandos Agmanov (Qozog'iston, 2403)

SHubhasiz, ayollar o'rtasidagi 9-turning biz uchun ahamiyatli uchrashuvi opa-singil Nafisa Mo'minova va Gulruhbegim Tohirjonova o'rtasidagi partiya bo'ladi. Gulruhbegim AQSH sharafini himoya qilyapti. Bugungi uchrashuv oldidan opa-singillar hisobida 4 tadan ochko bor. 

Qizlarimizning 9-turdagi raqibalari:

Umida Omonova (2059) - Lela Javaxashvili (Gruziya, 2364)

Gulruhbegim Tohirjonova (AQSH, 2326) - Nafisa Mo'minova (2242) 

Afruza Hamdamova (2052) - Olga Badelka (FIDE, 2238)