21 apr 11:57
Yangiliklar

Dzyudo

Bugun dzyudo bo'yicha O'zbekiston chempionati start oladi

21-22 aprel kunlari poytaxtimizdagi O'zbekiston sport majmuasida erkaklar va ayollar o'rtasidagi O'zbekiston chempionati bo'lib o'tadi.

Terma jamoa azolarining imkoniyatlarini yana bir bora sinovdan o'tkazish, tarkib uchun yangi nomlarni saralab olish maqsadida tashkil qilinayotgan musobaqada mamlakatimizning turli hududlaridan 577 nafar dzyudochi g'oliblik uchun kurash olib boradi. Sportchilar 56ta medal (14ta oltin, 14ta kumush va 28ta bronza) uchun tatamiga chiqadilar.

O'zbekiston dzyudo federaciyasi mazkur chempionatni O'zbekiston Milliy olimpiya qo'mitasi hamda Jismoniy tarbiya va sport vazirligi bilan hamkorlikda tashkil qilmoqda. SHuni qayd etish lozimki, ushbu musobaqa sentyabr oyida Jakartada bo'lib o'tadigan Osiyo o'yinlari oldidan juda muhim hisoblanadi. CHempionatning tantanali ochilish marosimi bugun soat 17:15da boshlanadi.