01 iyu 14:17
Yangiliklar

Futbol

Bugun Eronda chempion nomi aniqlanadi. Masharipov yoki O'runov oltin medal olishi mumkin

Bugun Eron chempionati joriy mavsumining 30-turi o'yinlari bo'lib o'tadi.

Eron chempionati ishtirokchilari safida to'p tepayotgan uchchala futbolchimiz (Jaloliddin Masharipov, Oston O'runov va Doston Tursunov) uchun juda muhim ahamiyatga ega. "Persepolis" sharafini himoya qilayotgan Oston O'runov chempionlikka juda yaqin turibdi. Ular 29 ta o'yinda 65 ochko to'plagan, Masharipov va uning jamoasi - "Istiqlol" 64 ochko bilan ikkinchi o'rinni egallab turibdi.

30-turda "Persepolis" 10-o'rindagi "Mes Rafsanjan"ni qabul qiladi. Jaloliddin Masharipov jamoasi 13-o'rinni egallab turgan "Paykon" mehmoni bo'ladi.

Doston Tursunov to'p tepayotgan Huzistonning "Istiqlol"ida ham vaziyat qiziq. Bu jamoa 29 ta o'yinda 25 ochko to'plashga muvaffaq bo'lgan va 16 ta jamoa ichida 15-o'rinni egallab turibdi. Ular so'nggi turda 29 ochko to'plab, 12-o'rinni band qilib turgan "Havadar"ni qabul qiladi.