Bugun Hasanboy Do'smatovga SHveycariyada “Yil bokschisi” mukofoti topshiriladi

Quvonarlisi, ushbu mukofotni qo'lga kiritish uchun davogarlar orasida bizning Hasanboy Do'smatov ham bor edi. 49 kg vazn toifasida Rio Olimpiadasi chempioni bo'lgan hamyurtimiz ushbu mukofotga loyiq deb topildi. 

Bugun SHveycariyaning Lozanna shahrida “Yil bokschisi” oliy sovrini Rio Olimpiadasi chempioni Hasanboy Do'smatovga tantanali ravishda topshiriladi.

Taqdirlash marosimida O'zbekiston boks federaciyasi vice-prezidenti SHerzod Toshmatov ham ishtirok etadi. Toshmatov kuni kecha Osiyo boks konfederaciyasi Ijroiya qo'mitasi yig'ilishida konfederaciya vice-prezidenti lavozimiga saylangan edi.

Malumot uchun, “Yil sporchisi” so'rovnomasida ikkinchi o'rinni qozog'istonlik Olimpiada chempioni Daniyar Eliusinov egalladi. Kubalik chempion Robeysi Ramires esa uchinchi pog'onadan joy oldi.