Bugun "Humo" jamoasining yarim finaldagi raqibi malum bo'ladi

Bugun Qozog'iston Ochiq chempionati pley-off bosqichi doirasida navbatdagi o'yinlar o'tkaziladi.

Kecha Toshkentning "Humo" xokkey klubi "Gornyak" jamoasini to'rtta uchrashuv hisobiga ko'ra mag'lub etib, yarim final bosqichiga yo'l olgan edi. Bugungi o'yinlar orqali jamoamiz yarim finaldagi raqibi nomini bilib oladi.

"Arlan" - "Nomad" - 18:00
"Aktobe" - "Beybaris" - 19:00.

Ushbu uchrashuvlarda g'alaba qozongan jamoalarning muntazam chempionatda egallagan o'rinlariga qarab, yarim final bosqichidagi raqiblar nomi malum bo'ladi. Muntazam chempionatda quyi o'rinni egallagan jamoa "Sariarka"ga, yuqoriroq pog'onadan joy olgan jamoa "Humo"ga raqiblik qiladi.

Yarim finaldan o'rin olgan ilk uchrashuvlar 11-12 mart kunlari o'tkaziladi.