Bugun "Humo" "Nomad"ga qarshi safardagi ilk o'yinini o'tkazadi

Xokkey bo'yicha Toshkentning "Humo" jamoasi bugun Qozog'iston Ochiq chempionati final bosqichi doirasida "Nomad"ga qarshi ilk safar o'yinida muzga chiqadi.

"Qanotlilar"ning bugungi uchrashuvi Toshkent vaqti bilan soat 18:00 da, Ostona shahridagi "Baris Arena"da boshlanadi.

Jamoalar o'rtasida Toshkentda o'tkazilgan ikkita uchrashuvdan so'ng seriyadagi umumiy hisob hozircha 1:1. Final doirasidagi o'yinlar seriyasi to'rttadan ettitagacha davom etishi mumkin.

"Humo"ning bugungi uchrashuvi YouTube platformasidagi InSportTV kanali orqali translyaciya qilinadi.