24 avg 12:39
Yangiliklar

Xokkey

Bugun "Humo" Qozog'iston kubogidagi ishtirokini boshlaydi. Ilk raqib - "Kulager"!

SHu kunlarda Qozog'istonning Ust-Kamenogorsk shahrida xokkey bo'yicha Qozog'iston kubogining "A" guruhi bellashuvlari o'tkazilmoqda.

Mazkur guruhda "Humo"dan tashqari Qozog'istonning "Arlan", "Kulager", "Torpedo" va "Almati" jamoalari joy olgan.

Kecha o'tkazilgan guruhning ilk o'yinida "Torpedo" "Almati"ni 3:2 hisobida taslim etgan bo'lsa, "Kulager" amaldagi Qozog'iston chempioni - "Arlan"ni 3:1 hisobida mag'lubiyatga uchratdi. Bugun esa Toshkentning "Humo" xokkey klubi ilk uchrashuvi doirasida "Kulager"ga qarshi muzga chiqadi. Bahs 17:00 da boshlanadi.

Malumot uchun, Qozog'iston kubogining yarim final bosqichiga yo'l olish uchun jamoalar o'z guruhlarida birinchi o'rinni egallashlari talab etiladi.

Eslatib o'tish joiz, "qanotlilar" Qozog'iston kubogining amaldagi g'olibi hisoblanadi.