Bugun "Humo" Toshkentda "Aktobe"ga qarshi o'zbekona xokkey oqshomini o'tkazadi

Jamoalar o'rtasidagi Muntazam chempionat doirasida o'tkazilishi kutilayotgan ilk uchrashuv bugun Toshkent vaqti bilan soat 19:30 da, "Humo Arena"da start oladi.

Jamoa matbuot xizmatining malum qilishicha, uchrashuvda 21 oktyabr - "O'zbek tiliga davlat tili maqomi berilgan kun" munosabati bilan o'zbekona muhit hukm suradi.

Eslatib o'tamiz, "Humo" jamoasi ortda qolgan 16 ta turdan so'ng Muntazam chempionat jadvalida 30 ochko bilan peshqadam bo'lib turibdi. Musobaqada 18 ta o'yin o'tkazib ulgurgan "Aktobe" esa 14 ochko bilan 8-o'rinni band etgan.