Bugun “Humo” Toshkentda chempionat peshqadamlaridan biriga qarshi o'ynaydi

Toshkentning “Humo” xokkey klubi o'z maydonida chempionat peshqadamlaridan biri, Moskvaning “Zvezda” jamoasini qabul qiladi. Uchrashuv “Humo Arena” muz saroyida soat 19:30da boshlanadi. 

Malumot uchun, bu jamoalarning 29 oktyabr kuni Moskvada o'tgan ilk o'yinida “Zvezda” 7:2 hisobida g'alaba qozongan edi. Bugungi uchrashuv oldidan 31 ta o'yin o'tkazgan “Humo” umumiy turnir jadvalida 34 ochko bilan 18-o'rinni egallab turibdi. 32 ta uchrashuv o'tkazgan “Zvezda” esa 51 ochko bilan 4-pog'onadan joy olgan. 

Bugungi uchrashuvda xokkeychilarimiz uchun muxlislarning qo'llab-quvvatlashi juda ham zarur. SHu boisdan sizlarni “Humo Arena”ga taklif qilamiz.