23 sen 08:55
Yangiliklar

Xokkey

Bugun "Humo" Toshkentda "Torpedo" jamoasiga qarshi muzga chiqadi

Bugun Qozog'iston Ochiq chempionatida ishtirok etayotgan "Humo" xokkey jamoasi mavsumdagi ettinchi o'yinini o'tkazadi.

Bugungi o'yinda "qanotlilar" Ust-Kamenogorsk shahrining "Torpedo" jamoasiga qarshi bahs olib borishadi. Uchrashuv soat 17:00da "Humo Arena"da boshlanadi.

Eslatib o'tamiz, "Humo" hozirgacha o'tkazilgan oltita uchrashuvning barchasida g'alaba qozongan holda 12 ochko bilan musobaqa jadvalida birinchi o'rinni egallab turibdi. "Torpedo" esa 9 ochko bilan ikkinchi pog'onadan joy olgan.