Bugun Ispaniya Superkubogining birinchi uchrashuvi bo'lib o'tadi

Ushbu sovrin uchun uchrashuvlar 1982 yildan beri o'tkazib kelinmoqda. Ammo 1940-1953 yillar davomida Ispaniya ligasi chempioni hamda Kubok sohibi o'rtasida “Copa Eva Duarte” nomli turnir bo'lib o'tar edi.

“Barselona” Ispaniya Superkubogini eng ko'p qo'lga kiritgan jamoa hisoblanadi. Kataloniyaliklar 20 ta sovrinning 9 tasini qo'ldan chiqarishgan. Keyingi o'rinlarni “Real” (14 ta ishtirok, 9 ta g'alaba), “Deportivo” (3 ta ishtirok, 3 ta g'alaba), “Atletiko” (6 ta ishtirok, 4 ta g'alaba), “Atletik” (4 ta ishtirok, 2 ta g'alaba) va boshqalar egallab turibdi.

Ispaniya Superkubogi uchun bahs 2 ta uchrashuvdan iborat bo'ladi. Ushbu sovrin uchun kurash mamlakat chempioni hamda Ispaniya Kubogi sohibi o'rtasida o'ynaladi. Agar bir jamoa mamlakat chempioni hamda Kubogini qo'lga kiritgan bo'lsa, Ispaniya Kubogi finalchisi Superkubokda ishtirok etadi.

Ushbu sovrin uchun ilk bahs “Sevilya”ning uy arenasi “Ramon Sanches Pisxuan” stadionida bo'lib o'tadi. Javob uchrashuvini “Kamp Nou” qabul qiladi (17 avgust).

Birinchi o'yin

14dan 15 avgustga o'tar kechasi. 01:00. “Sevilya” – “Barselona” (Match!Futbol2 LIVE)

Ikkinchi o'yin

17dan 18 avgustga o'tar kechasi. 02:00 “Barselona” – “Sevilya” (Match!Futbol2 LIVE)