Bugun jahon chempionatining to'rtinchi kuni og'ir vaznli dzyudochilarimizga muxlislik qilamiz

Dunyoning 5 qitasi 67 mamlakatidan jami 531 nafar dzyudochi qatnashayotgan mazkur nufuzli musobaqada O'zbekiston yoshlar terma jamoasi ham to'liq tarkibda ishtirok etyapti. Uch kunlik bellashuvlar yakuniga ko'ra, 3 ta bronza medali bilan umumjamoa hisobida 9-o'rinni egallab turibmiz. 

Bugun og'ir vaznlarda g'olib va sovrindorlar aniqlanadi. O'g'il bolalar -100, +100 kg, qizlar esa -78 va +78 kg vazn toifalarida jahon chempionati medallari uchun tatamiga chiqishadi. Bugungi bellashuvlarda SHirinjon Yo'ldosheva, Mohlaroyim To'xtamisheva, Umida Nig'matova, Muhammadsodiq Sodiqov va Fazliddin Rafiqovga muxlislik qilamiz.  

Dzyudochilarimizning ilk davradagi raqiblari:

-78 kg: SHirinjon Yo'ldosheva - Mari Kosnarova (CHexiya)

+78 kg: Mohlaroyim To'xtamisheva - CHihiro Yamaguchi (Yaponiya) 

+78 kg: Umida Nigmatova - Ruslana Maxatova (Qozog'iston)

-100 kg: Muhammadsodiq Sodiqov - Yannis Bachin (Germaniya)/Oliver SHeffel (Slovakiya)

+100 kg: Fazliddin Rafiqov - Farahmand Ustopirov (Tojikiston)