Bugun kunning ilk partiyasida shaxmatchilarimiz kimlarga qarshi dona surishadi?

Bugun jami 178 nafar shaxmatchi qatnashayotgan erkaklar o'rtasidagi blic bahslarida 13, ayollarda 10-tur bilan ikkinchi kungi uchrashuvlar boshlanadi. Hal qiluvchi chempionlik partiyalari oldidan erkaklarda amerikalik Xikaru Nakamura, ayollarda FIDE bayrog'i ostida o'ynayotgan rossiyalik Polina SHuvalova peshqadamlik qilyapti.  

Blic bahslarida hamyurtlarimiz orasida eng yaxshi natija qayd etib turgan 16 yoshli Muhiddin Madaminov bugun 13-turda o'zi singari 8 ochkoga ega ozarbayjonlik taniqli grossmeyster SHaxriyar Mamedyarovga qarshi qora donalarda o'ynaydi.  

Yana bir qiziqarli uchrashuv istedodli shaxmatchimiz Muhammadzohid Suyarov (2217) ishtirokida bo'lib o'tadi. Taniqli jurnalist, teleboshlovchi Laylo Rustamovaning farzandi bo'lgan Muhammadzohid 13-turda qora donalarda sobiq vatandoshimiz, hozirda AQSH sharafini himoya qilayotgan Timur Gareev (AQSH, 2553)ga qarshi bahs olib boradi.    

SHaxmatchilarimizning bugungi ilk raqiblari:

SHahriyar Mamadyarov (Ozarbayjon, 2733) - Muhiddin Madaminov (2333) 

Jahongir Vohidov (2507) - Aleksandr Grishuk (FIDE, 2763)

Endryu Tang (AQSH, 2582) - Nodirbek Abdusattorov (2666)

Dambasuren Batsuren (Mo'g'uliston, 2409) - Javohir Sindarov (2639) 

Nodirbek Yakubboev (2560) - Mamikon Garibiyan (Armaniston, 2401) 

SHamsiddin Vohidov (2597) - Artyom Uskov (FIDE, 2401)

Timur Gareev (AQSH, 2553) - Muhammadzohid Suyarov (2217) 

Ediz Gurel (Turkiya, 2345) - Humoyun Begmuratov (2267)

Umida Omonova (1978) - Yuliya Osmak (Ukraina, 2328) 

Govhar Beydullaeva (Ozarbayjon, 2256) - Afruza Hamdamova (2018) 

Nafisa Mo'minova (2258) - Zarina Nurgalieva (Qozog'iston, 1904)