Bugun "Nasaf" va "Paxtakor"ning OCHLdagi taqdiri hal bo'ladi

O'zbekistonning ikki klubi guruh bosqichiga chiqish uchun kurash olib boradi. Qarshida "Nasaf" klubi o'z muxlislari qarshisida Iordaniyaning "Al Faysali" klubini qabul qiladi. Bu o'yin soat 16:00da boshlanadi.

"Paxtakor" esa Qatarda "Al Garafa" mehmoni bo'ladi. Uchrashuv Toshkent vaqti bilan soat 22:00da start oladi.

SHarqiy mintaqada hamyurtimiz Odil Ahmedov o'ynayotgan "SHanxay SIPG" klubi Tailandning "CHiangrai Yunayted" klubini o'z uyida qabul qiladi.

Eslatib o'tamiz, pley-off o'yinlari faqat bitta o'yindan iborat bo'ladi va javob uchrashuvlari yo'q. Barcha masala bugun hal bo'ladi. Agar asosiy vaqtda g'olib aniqlanmasa, qo'shimcha taymlar belgilanadi. Unda ham tenglik bo'lsa penaltilar seriyasiga murojaat qilinadi.

Bugungi o'yinlarda g'olib bo'lgan 8ta klub OCHL-2018 guruh bosqichiga yo'llanma oladi.

G'ARBIY MINTAQA
16:00 - "Nasaf" (O'zbekiston) - "Al Faysali" (Iordaniya) (SPORT TV LIVE)
18:30 - "Zob Ohan" (Eron) - "Aizavl" (Hindiston)
19:15 - "Al Ayn" (BAA) - "Malkiya" (Bahrayn)
22:00 - "Al Garafa" (Qatar) - "Paxtakor" (O'zbekiston) (SPORT TV LIVE)

SHARQIY MINTAQA
12:30 - "Tianjin Kuanjian" (Xitoy) - "Seres-Negros" (Filippin)
15:00 - "Kashiva Reysol" (Yaponiya) - "Muantong Yunayted" (Tailand)
15:30 - "Suvon Samsung" (Janubiy Koreya) - "FLK Tan Xoa" (Vetnam)
16:35 - "SHanxay SIPG" (Xitoy) - "CHiangrai Yunayted" (Tailand)