02 sen 09:55
Yangiliklar

Tennis

Bugun Omonmurodova Almatidagi turnir finalida o'ynaydi

Bugun Qozog'istonning Almati shahrida tennis bo'yicha “Fyuchers” turkumiga kiruvchi turnir yakuniga etadi.

Sovrin jamg'armasi 25 000 AQSH dollarini tashkil qiluvchi musobaqaning yakkalik bahslari final uchrashuvida hamyurtimiz kortga chiqadi. Oqgul Omonmurodova bosh mukofotni qo'lga kiritish uchun urinib ko'radi. Uning raqibasi rossiyalik Polina Leykina bo'ladi.

Turnirda beshinchi raqam ostida tasniflangan Leykina yarim finalda sobiq hamyurtimiz, hozirda Isroil davlati sharafini himoya qilayotgan Vlada Yakshibarovani 6:3, 6:1 hisobida mag'lub etdi. Oqgul esa yarim finalda turnirning sakkizinchi raketkasi gruziyalik Ekaterina Gorgodzedan 7:5, 6:2 hisobida ustun keldi.