12 fev 07:46
Yangiliklar
Bugun o'zbek klublari Osiyo chempionlar ligasidagi yurishini boshlaydi
"Paxtakor" bu mavsum o'z tarixida 15-bor OCHLda ishtirok etadi. Bu jamoa 2002/2003 hamda 2004 yilgi mavsumlarda yarim finalga qadar etib borgan. "Paxtakor" o'zbek futbolining bayroqdor jamoalaridan biri. Raqib ham Iroq tarixidagi eng nomdor klublardan hisoblanadi.
"Eyr Fors" klubining ikki xil nomi bor. Bu jamoani "Al Quva Al Javiya" deb ham atashadi. "Eyr Fors" o'z tarixida to'rtinchi marta OCHLda ishtirok etyapti. O'tgan mavsum Iroq chempionatida ikkinchi o'rinni egallashi sababli OCHLga yo'llanma oldi. Jamoa bungacha guruhdan chiqa olmagan, ammo OFK kubogining oxirgi uch yildagi g'olibi hisoblanadi.
Kecha ikkala jamoa bosh murabbiylari o'yinoldi matbuot anjumanida ishtirok etishdi.
SHota Arveladze: "Yangi mavsumga tayyorlayotgan jamoamizni ertaga muxlislarga ko'rsatmoqchimiz"
Osiyo CHempionlari Ligasi-2019
Ikkinchi saralash bosqich
"Paxtakor" - "Eyr Fors"
12 fevral. Toshkent. "Paxtakor" stadioni, 15:00.
Hakamlar: Kim Xi Gon, Pak Sang Jun va Pak Kyun Yon (uchalasi Janubiy Koreya)
Olmaliq shahrining AGMK futbol klubi 2018 yil O'zbekiston Kubogi sohibi sifatida OCHL yo'llanmasini qo'lga kiritdi. Bu jamoa OCHLda debyutant hisoblanadi. 2008 yildan beri O'zbekiston oliy ligasida o'ynab kelayotgan jamoa 2004 yilda tashkil topgan.
Bu jamoa Tojikiston milliy chempionatida qatorasiga 7 marta chempionlikni nishonlagan. "Istiqlol" ham OCHLda debyutant hisoblanadi, yani bungacha klublar o'rtasidagi qitaning eng nufuzli musobaqasida qatnashmagan. "Istiqlol" asosan OFK Kubogida o'zini ko'rsata olgan va 2016, 2017 yilgi mavsumlarda ketma-ket ikki yil finalda o'ynagan.
Kecha ikkala jamoa bosh murabbiylari o'yinoldi matbuot anjumanida ishtirok etishdi.
Mirjalol Qosimov: "To'ydan oldin nog'ora chalmaylik"
Hakim Fuzaylov: "AGMKda o'zgarishlar juda katta"
Osiyo CHempionlari Ligasi-2019
Ikkinchi saralash bosqich
AGMK – “Istiqlol”
12 fevral, Olmaliq. "OKMK" stadioni. 16:00.
Hakamlar: Kim Dong Jin (Janubiy Koreya), Lakrindis Jorj, Rayan Mark Gallaxer (ikkisi Avstraliya), Dmitriy Mashencev (Qirg'iziston)
Nazoratchi: Jassim Muhammad Al Xail (Qatar)
Komissar: Kemel Tokabaev (Qirg'iziston)
Fikrlar