14 jan 15:36
Yangiliklar

Futbol

Bugun O'zbekiston chempioni 4 karra SHotlandiya chempioniga qarshi o'ynaydi

BAAning Dubay shahrida o'quv-mashg'ulot yig'ini olib borayotgan Toshkentning "Lokomotiv" klubi bugun ilk o'rtoqlik o'yinini o'tkazadi.

"Lokomotiv"ga bugun SHotlandiyaning eng nomdor jamoalaridan biri, SHotland Primiershipining o'tgan mavsumida kumush medallariga ega chiqqan "Aberdin" klubi raqiblik qiladi. Mazkur jamoalarning to'qnashuvi Jebel Ali sport majmuasi o'yingohida bo'lib o'tadi. Uchrashuv Toshkent vaqti bilan soat 17:00da boshlanadi.

Takidlash joizki, Evropada ham o'z nufuziga ega bo'lgan "Aberdin" 4 karra SHotlandiya chempioni, 7 karra SHotlandiya kubogi sohibi sanaladi. Bundan tashqari ushbu klub UEFA kubok egalari kubogi va UEFA Superkubogida g'olib chiqqan.