23 sen 12:30
Yangiliklar

Futbol

Bugun O'zbekiston KXDR bilan guruh g'olibligi uchun o'ynaydi

Bugun, 23 sentyabr kuni O'zbekiston U-16 terma jamoasi Hindistonda o'smirlar o'rtasidagi U-16 Osiyo chempionatida uchinchi o'yinda maydonga tushadi.

Qita birinchiligida Osiyoning eng kuchli 16 terma jamoasi ishtirok etmoqda. Ular orasida Temur Olimxo'jaev boshchiligidagi O'zbekiston o'smirlari ham bor. O'smirlarimiz “D” guruhida dastlab Tailand (5:3) so'ngra Yaman (1:0) jamoalarini mag'lub etib chorak finalga muddatdan avval yo'llanmani qo'lga kiritib bo'lishdi. Bugungi KXDR bilan o'yin guruh g'olibi qaysi jamoa bo'lishini aniqlab beradi.

Musobaqada yarim finalga chiqqan to'rt terma jamoa keyingi yil Hindistonda bo'lib o'tadigan U-17 Jahon chempionatiga yo'llanmani qo'lga kiritadi.

O'zbekiston va KXDR o'rtasidagi o'yin Toshkent vaqti bilan soat 18:30da boshlanadi. Guruhdagi ikkinchi uchrashuv Tailand va Yaman o'rtasida bo'lib o'tadi.

“D” guruhi

23 sentyabr

18:30 - Tailand – Yaman

18:30 - O'ZBEKISTON – KXDR

Havola :

Reyting: