Bugun "Paxtakor" Oston O'runov o'ynayotgan "Persepolis" mehmoni bo'ladi

"Paxtakor" ushbu raqib bilan OCHLda 4 marta maydonga tushib, 2 g'alaba, 1 durang va mag'lubiyat qayd etgan. 2003 yil Anvar Solievning yagona goli g'alaba keltirgan bo'lsa, 2019 yil guruh bosqichida Tehronda 1:1 (Marat Bikmaev) va Toshkentda 1:0 (Igor Sergeev) natijasi kuzatilgan. 2020 yil chorak finalda raqib 2:0 hisobida zafar quchgan.

"Persepolis" Eronning eng sovrindor klubi sanaladi. Tehronliklar 16 marta Eron chempionati, 7 bor Eron Kubogi va 5 bor Eron Superkubogini qo'lga kiritgan. Oxirgi 8 mavsumdan 7 tasida aynan ushbu klub Eron chempionligini qo'lga kiritib, o'zining yaqqol gegemon ekanini isbotlab kelmoqda. Jamoani ispaniyalik Xuan Karlos Garrido boshqarib kelmoqda.

"Persepolis" safida o'zbekistonlik yarim himoyachi Oston O'runov faoliyat olib bormoqda. Har ikkala jamoa safida ikkitadan yo'qotish mavjud. Eron klubi tarkibida Murtazo Puraliganji va Omid Alishah jarohat tufayli maydonga tusha olishmaydi. "Paxtakor" safida esa Ibrohim Ibragimov va Doniyor Abdumannopov jarohat olishgan.

"Persepolis" va "Paxtakor" jamoalari o'rtasidagi o'yin 30 sentyabr, dushanba kuni Toshkent vaqti bilan soat 21:00da Qudsdagi "SHahri Quds" stadionida boshlanadi. Uchrashuv "Foreign Language" kanali orqali namoyish etiladi.

Elit Osiyo chempionlar ligasi, 2-tur
"Persepolis" - "Paxtakor"
30 sentyabr 2024 yil. Quds, "SHahri Quds" stadioni. 21:00 (Toshkent vaqti)
Bosh hakam: Abdulloh Jamoli (Kuvayt)
Qanot hakamlari: Ali Jraq va Saud Al SHemali (ikkalasi Kuvayt)
Zaxira hakami: Hussayn Abo Yahyo (Livan)
VAR: Abdulloh Al Kandari (Kuvayt)
AVAR: Hoshim Al Ibrohim (Kuvayt).