So’nggi yangiliklar

20:31Жаҳон чемпионатининг учинчи куни 2 та медаль қўлга киритдик, биттаси олтин! 0 19:06"Хабибни отаси қутқариб қолган, акс ҳолда..." 0 18:45Родриго "Реал"да қоладими? 0 18:23"Топурия — карлик. У енгил вазнда қолгани яхши" - мураббий 0 18:01Делла Маддаленанинг мураббийи Ислам Махачевнинг кучсиз томони ҳақида гапирди 0 17:39Двалишвили Пётр Ян билан реванш муддати ҳақида гапирди 0 17:17"Ал Иттиҳод" Педро учун 35 миллион евро таклиф қилди 0 16:53"UFC Умар Нурмагомедовни амакиваччаси туфайли ҳар ерга тиқиштиради" - Двалишвили 0 16:25Уайт Оқ уйдаги UFC турнири 2026 йилда ўтказилиши аниқ бўлганини айтди 0 16:01Ян Блахович UFC'даги кейинги жанги учун шартнома имзолади, унинг Гусков билан тўқнаш келиши айтиляпти + ФОТО 0 15:39Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани) 0 15:17Боксчиларимиз Ливерпулдаги Жаҳон чемпионати учун Шеффилдда тайёргарликни давом эттирмоқда ФОТОГАЛЕРЕЯ 0 14:53Богдан Гусковнинг дўсти Камару Усманнинг укасига қарши октагонга чиқади 0 14:32Зарруҳ Адашев ва яна бир ҳамюртимиз жанг қиладиган UAE Warriors 63 турнирининг тўлиқ карди эълон қилинди 0 14:11"Фенербахче" Моуриньюни бош мураббий лавозимидан озод этди 0

01 fev 13:52
Yangiliklar

Futbol

Bugun Superligaga qura tashlanadi. U qanday tartibda o'tadi?

Teglar :  Superliga
Superliga yangi mavsumiga bugun qura tashlanadi.

Marosim 18:00 dan boshlab Futbol TV orqali jonli efirga olib chiqiladi.

Birinchi navbatda joriy mavsum uchun qabul qilib olingan va hozirga qadar to'liq tayyor holatga kelmagan stadionlar ro'yxati bilan tanishtirib o'tamiz. Ayni vaqtda 11 ta stadion uchrashuvlarni qabul qilishga tayyor. Yana 3 ta stadionda tamirlash ishlari davom etayotgan bo'lib, ular shu yilning aprel oyiga qadar tayyor bo'lishi ko'zda tutilgan. Aynan shu jihat quraga o'z tasirini ko'rsatadi.

Superligaga odatga ko'ra Berger tizimida qura tashlanadi. Bunda 16 jamoaga tushishi mumkin bo'lgan har bir raqamning o'z jufti mavjud va o'zaro juft raqamlar quyida aks etgan. SHuningdek, musobaqaning ilk turida o'zaro to'qnash keladigan raqamlar ko'rsatilgan.

Maydoni tayyor bo'lmagan klublardan Qo'qon-1912 hamda Qizilqum masalasi nisbatan yaqin hududlardagi stadionlar orqali hal etilgan. Biroq mavsumning qolgan qismini Buxoro shahrida davom ettirishi kutilayotgan Buxoro va Mashal klublari ilk turlarni mos ravishda Paxtakor va OKMK klublari maydonida o'tkazishi mumkin.

SHundan kelib chiqib, ular avvaliga Paxtakor va OKMK klublari bilan juftlik hosil qilishi, keyinchalik esa o'zaro juft jamoaga aylanishi lozim. Sir emaski, juft jamoalarni ajratib olish negizida muayyan turda ulardan biri o'z maydonida, ikkinchisi esa safarda to'p surishini taminlash yotadi. Buxoro va Mashal klublarining bir necha tur davomida boshqa klublar bilan, keyinchalik esa o'zaro juft bo'lishida mazkur qoidani o'zgartirmaydigan faqatgina ikki raqam mavjud: 1 va 8. SHundan kelib chiqib, quraning ilk bosqichida Buxoro va Mashal klublari mazkur ikki raqamdan biriga ega chiqishi taminlanadi. O'z-o'zidan Paxtakor va OKMK mavsum startida ular bilan bir arenadan foydalanishi inobatga olinib, ular mos ravishda 9 hamda 16 raqamlari bilan yuzlashadi.

Anglashilinadiki, dastlabki turda Mashal va Buxoro juftligiga har qanday holatda ham OKMK va Paxtakor juftligi raqib bo'ladi. Biroq ilk tur aynan qanday ko'rinishda bo'lishi qura yordamida aniqlanadi. SHuningdek, Buxoro va Mashal dastlabki turlarni Toshkent hududida o'tkazishi inobatga olinib, tenglikni taminlash maqsadida ular 2-davrada raqiblarini o'z maydonida qabul qilishi taminlanadi hamda ilk turdagi ikki to'qnashuvda mezbon-mehmon o'rni almashadi.

Quraning ikkinchi bosqichida yana uch juftlik jamoalari o'z raqamiga ega chiqishi taminlanadi. Yani, Qo'qon-1912, Qizilqum, SHo'rtan klublarining stadioni tayyor bo'lgunicha, ularning mos ravishda Farg'ona, Samarqand hamda Qarshi shaharlarida to'p tepishi inobatga olinadi. Mazkur 6 klub uchun raqamlar saralab olingach, quraning uchinchi bosqichiga o'tiladi.

Suratdan anglashilganidek, juftlik hosil qilmagan qolgan 6 ta klub uchinchi bosqichda o'z raqamiga ega chiqadi. Bu bosqichda klublar nomi solingan sharchalar allaqachon savatda bo'ladi. Ikkinchi savatga esa shu vaqtgacha 10 ta klubga nasib qilmagan va ortib qolgan 6 ta raqam alohida ko'rsatilgan holda joylashtirib chiqiladi.

Malumot uchun, Qo'qon-1912, Buxoro, Mashal, Qizilqum kabi klublar qachon o'z maydoniga qaytishi faqatgina ularning o'ziga bog'liq. Agar stadionlar 23 fevral sanasiga qadar Liga tomonidan qabul qilib olinsa, ular mavsumni o'z uyida ham boshlashi mumkin. Biroq har qanday holatda ham Buxoro va Mashal ilk turni mehmonda o'tkazishi masalasiga o'zgartirish kiritilmaydi.

Quyida esa 1-davraning to'liq taqvimi qanday ko'rinishda bo'lishi keltirib o'tilgan. Quradan keyingi haftada Liga uchrashuvlar sanalarini elon qiladi.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing