Bugun Tashkent Open-2016 turnirining asosiy to'r bahslari start oladi

Sovrin jamg'armasi 250 ming dollarni tashkil qiluvchi ushbu turnir bu yil 18-marotaba o'tkazilmoqda. Dunyoning yigirmaga yaqin davlati tennischilari ishtirok etayotgan musobaqada slovakiyalik Anna-Karolina SHmidlova birinchi raqam ostida tasniflangan. U dunyo reytingida 57-o'rinni egallab turibdi.

SHuningdek, kuchli yuztalikdan joy olgan belgiyalik Kirsten Flipkens, shveciyalik Yuxanna Larsson, turkiyalik CHagla Buyukakchay, britaniyalik Naomi Broudi kabi ko'zga ko'ringan oltin to'p sohibalari ham o'zbekistonlik tennis muxlislari ko'z o'ngida o'z mahoratlarini namoyish etishadi.

Yurtimiz mutaxassislarining joriy mavsumni ko'tarinki kayfiyatda o'tkazayotgan Nigina Abduraimova va Sabina SHaripovadan umidlari katta.

Malumot uchun, o'tgan yilgi turnirda yaponiyalik Nao Xibino bosh mukofotni qo'lga kiritgan edi. Kunchiqar yurt vakilasi hal qiluvchi final uchrashuvida xorvatiyalik Donna Vekichni ikki setda ham bir xil 6:2 hisobida mag'lubiyatga uchratgan edi.

Ananaga ko'ra, 29 va 30 sentyabr kunlari mashhur tennischilar bolalar uchun mahorat saboqlarini namoyish etishadi.