Bugun Tata Steel Chess turnirida so'nggi tur o'tkaziladi. Nodirbeklarda imkoniyat qanday?

Bugun so'nggi 13-turda "Masters" guruhida 3-o'rinni egallab turgan Nodirbek Abdusattorov oq donalarda hindistonlik Pentala Harikrishnaga qarshi bahs olib boradi. Nodirbekda turnir chempioni bo'lish imkoniyati qolmagan. 

Boisi, undan bir ochko ko'p jamg'argan ikki hind grossmeysterlari bugun 13-turda o'zaro uchrashuvda munosabatlariga oydinlik kiritib olishadi. Har qanday natija yo Gukesh yoki Rameshbabuni chempion qiladi. Bugungi partiya oldidan amaldagi jahon chempioni Gukesh Dommaradju 8,5 ochko bilan qo'shimcha ko'rsatkichlarga ko'ra peshqadam bo'lib turibdi. Agar kecha Abdusattorov hindistonlik Arjun Ergaisiga yutqazmaganida, bugun chempionlik uchun imkoniyatni saqlab qolgan bo'lar edi. SHunday bo'lsa-da, unda ikkinchi o'rinni egallash imkoniyati bor. 

"CHellenjer" guruhida qatnashayotgan Nodirbek Yakubboev (2659) ketma-ket ikkita g'alabasiga qaramay, turnirda sovrinli uchlikdan joy ololmaydi. U bugun 13-turda qora donalarda xitoylik ayol shaxmatchi Lu Miaoyi bilan to'qnash keladi. Yakubboev 7 ochko bilan 6-o'rinni egallab turibdi. Beshinchi pog'onadagi germaniyalik Frederik Svan hisobida ham 7 ochko bor. CHexiyalik Van Nguen 8,5 ochko bilan "CHellenjer" guruhida qo'shimcha ko'rsatkichlarga ko'ra karvonboshilik qilyapti. Ozarbayjonlik Aydin Suleymanli va niderlandiyalik Ervin L`ami hisobida ham 8,5 ochkodan bor, ular kuchli uchlikni yakunlab berishgan.