20 dek 09:37
Yangiliklar

Dzyudo

Bugun Termiz shahrida yoshlar o'rtasida O'zbekiston chempionati start oladi

20-22 dekabr kunlari Surxondaryo viloyati markazi Termiz shahri dzyudo bo'yicha yoshlar o'rasidagi O'zbekiston chempionatiga mezbonlik qiladi.

Uch kun davomida 2005-2006 yillarda tavallud topgan dzyudochilar o'z vazn toifalarida mamlakat chempionligi uchun tatamiga chiqadi. Musobaqada Qoraqalpog'iston Respublikasi, barcha viloyatlar va Toshkent shahridan saralanib kelgan dzyudochilar medallar uchun bahslarga kirishadi.

Termiz Yakkakurash sport turlariga ixtisoslashtirilgan sport maktabi zalida o'tkaziluvchi O'zbekiston chempionatining ilk kuni engil vaznlarda g'olib va sovrindorlar nomi malum bo'ladi. Bugun o'g'il bolalar -60, -66 kg, qizlar esa -48, -52 va -57 kg vazn toifalarida o'zaro bellashishadi.