29 sen 06:47
Yangiliklar

Futbol

Bundesliga. “Bavariya” mavsumdagi ilk mag'lubiyatni qarshi oldi

Germaniya Bundesligasining 6-turida “Gerta” o'z maydonida “Bavariya”ni taslim etdi.

Berlindagi “Olmpiashtadion”da kechgan bellashuvning 23-daqiqasida Vedad Ibishevich penaltini aniq amalga oshirib, mezbonlarni hisobda oldingi olib chiqqan bo'lsa, tanaffusga qadar yarim himoyachi Ondrey Duda ikkinchi bor myunxenliklarni ranjitdi.

Bu Niko Kovach boshqaruvidagi “Bavariya”ning joriy mavsumdagi ilk mag'lubiyati bo'ldi. Qizig'i, mavsumni ketma-ket g'alabalar bilan boshlagan “Bavariya” o'tgan turda o'z uyida “Augusburg”ni (1:1) engga olmagandi.

Bundesliganing keyingi turida “Bavariya” o'z uyida “Borussiya” (M)ni qabul qilsa, “Gerta” safarda “Maync” mehmoni bo'ladi. Har ikkla o'yin 6 oktyabr kuni o'tkaziladi.

Gerta – Bavariya 2:0 (2:0, 0:0)

Gollar: 1:0 – 23, penalti Ibishevich, 2:0 – 44 Duda.

Gerta – Kraft, Rekik, SHtark, Mittelshtedt, Lazaro, Mayer, Duda, Kalu (Lekki, 71), SHelbred, Dilrosun (Yastshembski, 90), Ibishevich (Zelke, 53).

Bavariya – Noyer, Zyule, Kimmix, Alaba, Boateng, Alkantara, Sanshesh (Gnabri, 63), Riberi, Xames (Vagner, 72), Robben (Myuller, 52), Levandovski.

Ogohlantirishlar: Ibishevich (40), Kimmix (48), Dilrosun (90), Duda (90).