21 avg 18:18
Yangiliklar

Futbol, Fotogalereya

"Bunyodkor" akademiyasining o'quv-mashg'ulot maydonlarida DXX kubogining final bahslari start oldi + FOTOGALEREYA

Teglar : DXX kubogi

“Bunyodkor” o'quv-mashg'ulot maydonlarida DXX kubogining final bahslari bo'lib o'tmoqda.

2021 va 2022 yillarda respublika yoshlari o'rtasida futbol hamda mini-futbol bo'yicha Davlat xavfsizlik xizmati kubogi musobaqalari o'tkazildi.

Yoshlar o'rtasida katta qiziqishga sabab bo'layotgan mazkur ommaviy sport tadbirining nufuzi va geografiyasi tobora ortib bormoqda. SHu bois, musobaqani ananaviy tarzda o'tkazib borish va kelgusida qizlar o'rtasida ham mini-futbolni rivojlantirish kabi muhim vazifalar belgilab olingan edi.

Ushbu maqsadda joriy yilda Qoraqalpog'iston Respublikasi, viloyatlar va Toshkent shahrida o'g'il bolalar o'rtasida futbol va mini-futbol hamda ilk marotaba qizlar o'rtasida mini-futbol bo'yicha DXX kubogi musobaqalari uch bosqichda o'tkazilmoqda.

Birinchi bosqich – tuman va shaharlar kesimida aprel-may oylarida o'tkazildi.

Ikkinchi bosqich – Qoraqalpog'iston Respublikasi, viloyatlar va Toshkent shahri miqyosida iyun-iyul oylarida o'tkazildi.

Takidlash lozimki, bu yilgi DXX kubogi musobaqalari respublika bo'yicha 250 ming nafardan ortiq yoshlarni qamrab oldi.

Ikkinchi bosqich yakuni bo'yicha 365 nafar iqtidorli yoshlar aniqlanib, hozirda ularni mahalliy futbol klublarga jalb qilish choralari ko'rilmoqda.

SHuningdek, bu yilgi musobaqalar doirasida respublika bo'yicha 98 ta futbol maydonlari va sport obektlari tamirlandi.

Respublika bosqichi 21-25 avgust kunlari “Bunyodkor” futbol akademiyasi maydonlarida, final o'yini esa 26 avgust kuni “Jar” stadionida o'tkaziladi. Unda 42 ta jamoa g'oliblik uchun kurashadi.

Respublika bosqichida – o'g'il bolalar o'rtasida futbol va mini-futbol bo'yicha g'olib bo'lgan jamoalar mahallasiga mini-futbol maydoni, 2-o'rinni egallagan jamoalar uchun universal sport maydoni (basketbol va voleybol o'yinlari uchun mo'ljallangan), 3-o'rinni egallagan jamoalar mahallasiga “Stritbol” (bir savatli ko'cha basketboli) sport maydoni qurib beriladi.

Qizlar musobaqasida g'olib va sovrindor bo'lgan jamoalar pul mukofoti bilan taqdirlanadi.

Bugun erta tongdan mini futbol va futbol bo'yicha bahslar boshlanib ketdi.