"Burgut" xokkey klubi "Humo"ning menejerini transfer qildi

Jamoada bosh menejer sifatida Roman Krivomazov faoliyat yuritadi. Bu haqda klub matbuot xizmati xabar berdi.

"Tanishing, “Burgut" XK bosh menejeri - Roman Krivomazov. Rossiya Federaciyasi va Qozog'iston Respublikasi sport ustasi Roman Yurevich 1978 yilda Ust-Kamenogorsk shahrida tug'ilgan.

Xokkeychi sifatida Rossiya, Qozog'iston va boshqa mamlakat klublarida o'ynagan. Qozog'iston terma jamoasi tarkibida 1998 yilgi Olimpiya o'yinlari va beshta jahon chempionati ishtirokchisi sanaladi.

Murabbiy sifatida Qozog'istonning "Irtish" klubi (Pavlodar, 2009 – 2018), VXLning "Sokol" klubi (Krasnoyarsk, 2018 – 2021) va "Humo" (Toshkent, 2022 – 2024)da ishlagan.

Roman Yurevichni safimizda qutlaymiz va uning faoliyatida muvaffaqiyatlar tilaymiz!", deyiladi jamoa xabarida.