Butunjahon ko'chmanchi xalqlar o'yinlarining birinchi kunida 11 ta medal qo'lga kiritildi

Unda ishtirok etayotgan sportchilarimiz alish kurashi (Qirg'iziston kurashi), armrestling sport turlari bo'yicha bahslarga kirishgani va armrestlingda 3 ta bronza medalini qo'lga kiritishgandi.

O'yinlarning alish kurashi (Qirg'iziston kurashi) turi bo'yicha bahslarda 30 ta davlatidan tashrif buyurgan 140 nafar sportchi ishtirok etdi. Ushbu sport turi bo'yicha ham vakillarimiz salmoqli yutuqlarni qo'lga kiritishdi. Erkaklar o'rtasida Mardonbek Kimsanov (60 kg),  Xusniddin Ro'ziev (70 kg) oltin, Kamollidin Maxkamov (80 kg), Zaylobiddin Artikov (90 kg) va Obidali Mavlonov (100 kg) musobaqaning kumush medalini qo'lga kiritishgan bo'lsa, ayollar o'rtasida o'tkazilgan bahslarda Maftuna Maxmudova (60 kg), Dilafruz Mamajonova (70 kg), Bekzoda Xudaberdieva (75 kg) bronza medalga sazovor bo'lishdi.

O'yinlarning birinchi kunida armrestling va alish kurashi (Qirg'iziston kurashi) bo'yicha bahslarda jami 18 nafar sportchimiz ishtirok etib, 11 ta medal (2 ta oltin, 3 ta kumush va 6 ta bronza) qo'lga kiritildi.

Bugun vakillarimiz qozoq kurashi, paxlavani (Eron kurashi), goresh (Turkmaniston kurashi), Lochin ovi va Tayganlar yugurishi turlari bo'yicha bahslarga kirishadi.