Butunjahon ko'chmanchi xalqlar o'yinlarining ikkinchi kunida 8 ta medal qo'lga kiritildi

Musobaqaning ikkinchi kunida sportchilarimiz qozoq kurashi, pahlavani (Eron kurashi), goresh (Turkmaniston kurashi) va lochin ovi va tayganlar yugurishi, mas-restling bo'yicha bahslarda ishtirok etishdi.

O'yinlarda qozoq kurashi bo'yicha 20 ta davlatdan 56 nafar sportchi ishtirok etib, murosasiz kechgan bahslarda yurtdoshlarimiz Sarvar Ikromov (-90 kg) kumush medalni qo'lga kiritdi. Goresh (Turkmaniston kurashi) bo'yicha bo'lgan bahslarda esa SHerzod Raximov mutlaq vazn toifasida bronza medaliga sazovor bo'ldi.

Foto: sputniknews-uz.com

Lochin ovi va tayganlar yugurishi bo'yicha bahslarda dunyoning 10 ta davlatidan 25 nafar sportchi ishtirok etib, lochinda ov yo'nalishida yurtdoshimiz Denis Coy bronza medalini qo'lga kiritdi.  

27 ta davlatdan 127 nafar nafar sportchi ishtirok etgan mas-restling bo'yicha bahslarda vakillarimiz salmoqli yutuqlarni qo'lga kiritishdi. Ayollar o'rtasida o'tkazilgan bahslarda Regina Mulyasheva (-55 kg) kumush,  Madina Elieva (-125 kg) bronza medalini qo'lga kiritishgan bo'lsa, erkak sporchilarimiz Islom Abdumalikov (-60 kg),  Ilyos Kadirov (-90 kg),  Nasim Radjabov (-125 kg) bronza medaliga sazovor bo'lishdi.

SHunday qilib, kecha, 4 sentyabr kuni o'tkazilgan bahslarda 20 nafar sportchimiz ishtirok etdi va  jami 8 ta medal (2 ta kumush, 6 ta bronza) qo'lga kiritildi.

Bugun, 5 sentyabr sanasida O'zbekiston vakillari mangol box (Mo'g'uliston kurashi) va qirg'iz kurashi turlari bo'yicha bahslarga kirishadi.

Eslatib o'tamiz, 2 sentyabrdan  8 sentyabrga qadar davom etadigan mazkur musobaqada dunyoning 66 davlatidan tashrif buyurgan 1556 nafar sportchi medallar uchun bahs olib bormoqda. O'zbekiston delegaciyasi 13 ta sport turi bo'yicha 58 nafar sportchi bilan ishtirok etmoqda.

Jismoniy tarbiya va sport vazirligi 

Matbuot xizmati