Butunjahon shaxmat Olimpiadasi. Asosiy raqiblarimiz 2-turda qanday natija qayd etishdi? (+FOTO)

Amaldagi Olimpiada chempioni hisoblangan O'zbekiston erkaklar terma jamoasi dastlabki ikki turda g'alabaga erishdi. Yosh grossmeysterlarimiz 45-Butunjahon shaxmat Olimpiadasining 1-turida Trinidad va Tobago, 2-turda esa Misr terma jamoasini bir xilda 3,5:0,5 hisobida mag'lubiyatga uchratib, chempionlik himoyasini muvaffaqiyatli boshlashdi. 

Terma jamoamizning asosiy raqiblari ham dastlabki ikki turda oson g'alabaga erishishdi. Hindiston terma jamoasi kecha o'tkazilgan 2-turda Islandiyani 4:0, Xitoy CHilini 3,5:0,5, AQSH Singapurni 4:0, Armaniston Andorrani 3:1, Vengriya Peruni 3,5:0,5, Ozarbayjon Finlyandiyani 3,5:0,5 hisobida taslim etdi.