Butunjahon shaxmat Olimpiadasi. Qizlarimiz mag'lub bo'lmayotgan 16 davlat qatorida + FOTO

O'zbekiston ayollar terma jamoasi ham yigitlarimiz singari ketma-ket uchta turda g'alabaga erishdi. Qizlarimiz 45-Butunjahon shaxmat Olimpiadasining 1-turida Gaitini 4:0, 2-turda Angolani 3:1, 3-turda esa Vengriyani 2,5:1,5 hisobida mag'lubiyatga uchratib, 100 foizlik natija qayd etgan 16 davlat qatorida bo'lib turishibdi.  

Terma jamoamizning asosiy raqibalari ham 3-turda oson g'alabalarga erishishdi. Faqat biroz kutilmaganda Olimpiadaning reyting-favoritlaridan biri Gruziya terma jamoasi 3-turda ochko yo'qotdi. Gruzinlar Ruminiya terma jamoasi bilan 2:2 hisobidagi durangga imzo chekishdi. 

Hindiston terma jamoasi 3-turda SHveycariyani 3:1, Xitoy Italiyani 3,5:0,5, AQSH Kanadani 3,5:0,5, Franciya SHveciyani 3:1, Armaniston Vengriyani 3:1, Ukraina Isroilni 3:1, Qozog'iston Avstriyani 3:1 hisobida taslim etdi. Ozarbayjon - Argentina uchrashuvi 2:2 hisobidagi durang bilan yakunlandi.