Butunjahon shaxmat Olimpiadasi. Terma jamoalarimiz 9-turdan so'ng nechanchi o'rinda? (+ JADVAL)

O'zbekiston erkaklar va ayollar terma jamoalari kecha o'tkazilgan 9-turda kuchli raqiblari bilan bir xilda - 2:2 hisobidagi jangovar durangga imzo chekishdi. Grossmeyster yigitlarimiz peshqadam Hindiston bilan murosaga kelishdi. Hisob 1,5:1,5 bo'lib turgan bir paytda SHamsiddin Vohidov dunyoning to'rtinchi raqamli shaxmatchisi Arjun Ergaisini mag'lub etish uchun astoydil harakat qildi. Ammo yakunda tomonlar murosaga kelishdi. Hindiston ilk marotaba ochko yo'qotdi va ayni paytda turnir jadvalida 17 ochko bilan yakka peshqadamlikni davom ettirmoqda. 

AQSH terma jamoasi 9-turda Vengriyani 2,5:1,5 hisobida engib, 15 ochko bilan qo'shimcha ko'rsatkichlarga ko'ra ikkinchi o'ringa ko'tarilib oldi. Kuchli uchlikni yakunlab turgan O'zbekiston terma jamoasi hisobida ham 15 ochko bor. To'rtinchi pog'onadagi Xitoy ham 15 ochko jamg'argan. CHin yurti vakillari kecha 9-turda Erondan 2,5:1,5 hisobida ustun kelishdi. 

Qizlarimiz esa 45-Butunjahon shaxmat Olimpiadasining 9-turidag so'ng 5 g'alaba, 2 durang, 2 mag'lubiyat bilan 12 ochko jamg'argan holda qo'shimcha koeficentlarga ko'ra turnir jadvalining 27-pog'onasini band etishgan. O'n oltinchi o'rinni egallab turgan Angliya terma jamoasi hisobida ham xuddi biz kabi 12 ochko bor. To'qqizinchi turdan so'ng Qozog'iston terma jamoasi 16 ochko bilan karvonboshiga aylanib oldi. Ular kecha Polshadan 2,5:1,5 hisobida ustun kelishdi. Hindiston esa AQSH bilan bahsda ochko yo'qotdi - 2:2.