Buxoroda “Fyuchers” turniri start olmoqda, Sultonov birinchi raqamda saralandi

Sovrin jamg'armasi 15 000 AQSH dollarini tashkil qiluvchi musobaqada bugun saralash bahslari o'tkaziladi. Dunyoning bir nechta davlatlari qatorida o'zbekistonlik tennischilar ham turnir bosh sovrini uchun bahs olib borishadi. 

Istedodli tennischimiz Humoyun Sultonov musobaqaning birinchi raketkasi sifatida saralandi. Saidalo Saidkarimov esa beshinchi raqam ostida harakat qiladi. Qolgan 18 nafar tennischimiz turnirning saralash bahslarida o'z omadini sinab ko'radi. 

Eslatib o'tamiz, Humoyun Sultonov kecha Qarshi shahrida yakunlangan “Fyuchers” turkumiga kiruvchi turnirning yakkalik bahslarida bosh sovringa ega chiqqandi. Sanjar Fayziev esa juftlik bahslari g'olibiga aylangan edi.