"Buxoro"ga "Rubin"ning sobiq sport direktori bosh murabbiy bo'ladi

Muzokaralar davomida sobiq futbolchi, Rossiyaning "Lokomotiv", "Spartak", Turkiya, Avstriya va O'zbekiston klublarida to'p tepgan, Buxoro muxlislariga ham tanish bo'lgan murabbiy Muhsin Muhammadiev bosh murabbiy sifatida tanlandi.

Muhsin Muslimovich 2003-2008-yillar mobaynida Rossiyaning Podolsk shahrining "Vityaz" futbol klubi murabbiylar shtabida faoliyat olib borgan va bosh murabbiy sifatida ushbu klub bilan 2007 yili ikkinchi divizion g'olibi va PFL kubogi sohibi bo'lgan. So'ngra Qozon shahrining "Rubin" jamoasida to'rt yil sport direktori lavozimida faoliyat olib borgan (2008-2009-yillar "Rubin" jamoasi Rossiya chempionati g'olibi). 2013 yil Tojikiston terma jamoasi bosh murabbiyi hamda 2016-2017-yillar davomida "Istiqlol" jamoasi bilan Tojikiston chempioni bo'lgan.

Bugun murabbiy Buxoroga etib kelishi hamda "Buxoro" bilan shartnoma imzolanishi kutilmoqda.

"Buxoro" matbuot xizmati