“CAFA U-16 championship” musobaqasining taqdirlash marosimi bo'lib o'tdi

Ushbu musobaqada O'zbekiston, Afg'oniston, Tojikiston hamda Qirg'izistonning 16 yoshgacha bo'lgan futbolchilardan tarkib topgan terma jamoalari ishtirok etishdi.

Musobaqaga barcha terma jamoalar o'z oldiga yuqori maqsadlarni qo'ygan holda tashrif buyurishganini murabbiylar shtabi o'yinlar oldidan muxlislarga eslatib turishdi. Bir biridan murosasiz kechgan bahslarda Usmon Toshev boshchiligidagi O'zbekiston U-16 terma jamoasi mazmunli o'yin ko'rsatib, barcha mehmon jamoalar ustidan yirik g'alabalarga erishdi.

Kecha turnirning so'nggi o'yinlari nihoyasiga etgach, yopilish hamda taqdirlash marosimlari bo'lib o'tdi. Taqdirlash marosimida Markaziy Osiyo futbol associaciyasi Prezidenti va O'zbekiston futbol associaciyasi 1-vice Prezidenti Umid Ahmadjonov, OFK vakili Vohid Kardani, PFL Bosh direktori Omon G'ofurov, O'FA Bosh kotibi Sardor Rahmatullaev, O'FA va MOFA mutasaddilari hamda boshqa martabali mehmonlar ishtirok etishdi.

Umid Ahmadjonov musobaqa g'olibiga hamda ishtirokchilarga kubok hamda medallarni topshirar ekan, barcha jamoalarni chiroyli o'yin hamda ijobiy natijalar bilan qutlab, ularga kelgusi musobaqalarda omad tiladi. SHuningdek, mehmon jamoalar murabbiylari musobaqani yuqori darajada tashkil etgani uchun MOFA Prezidenti hamda boshqa mutasaddilarga minnatdorchilik izhor qilishdi.