CAFA Women’s Championship 2018: Bugun 3-tur uchrashuvlari bo'lib o'tadi

Bugun mazkur musobaqaning 3-tur uchrashuvlari bo'lib o'tadi. Kunning birinchi o'yinida O'zbekiston terma jamoasi Eronga qarshi bahs olib boradi. Uchrashuv soat 13:00da boshlanadi. O'yinni Veronika Bernandskaya boshchiligidagi qirg'izistonlik hakamlar boshqarishadi. Unga qanotlarda Jibek Oqil qizi va Malika Qodirova yordam berishadi. Zaxiradagi hakam - Husnora Jumaeva (O'zbekiston).

Kunning ikkinchi uchrashuvida Afg'oniston terma jamoasi Qirg'iziston bilan kuch sinashadi. O'yin soat 16:00da boshlanadi. Uchrashuvni eronlik hakamlar guruhi boshqaradi. Bosh hakam - Surur Saidiy, unga qanotlarda Habiba Rabaviketab va Jolih To'fanpur yordam berishadi. Zaxiradagi hakam - Aleksandra Konchikova (O'zbekiston).

Barcha uchrashuvlar "Milliy" stadionida bo'lib o'tadi.