Candidates Tournament 2024. 5-turdan keyin qo'shhokimlik + JADVAL

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon toji uchun davogar nomini aniqlab berish uchun o'zaro dona surishyapti. Erkaklar o'rtasidagi turnirda amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Beshinchi turning ikki partiyasida tomonlar murosaga kelishdi. Qolgan ikki partiyada shaxmatchilarning biri g'alabaga erishdi. Peshqadam Yan Nepomnyashiy qora donalarda hindistonlik Rameshbabu Pragnanandha bilan durang o'ynadi. Bundan foydalangan hindistonlik Gukesh Dommaradju ozarbayjonlik Nijat Abasovni engib, ochkolarini Yanga tenglashtirib oldi. Bugun o'tkaziladigan 6-tur oldidan Gukesh va Nepomnyashiy 3,5 tadan ochko jamg'arib, turnir jadvalida qo'shhokimlik qilishyapti. 

Eslatib o'tamiz, 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 5-tur natijalari (Erkaklar)

Alireza Firudja (Franciya, 2760) — Xikaru Nakamura (AQSH, 2789) — 0:1.

Gukesh Dommaradju (Hindiston, 2743) — Nidjat Abasov (Ozarbayjon, 2632) — 1:0.

Vidit Gudjrati (Hindiston, 2727) — Fabiano Karuana (AQSH, 2803) — 1/2:1/2.

Rameshbabu Pragnanandxa (Hindiston, 2747) — Yan Nepomnyashhiy (FIDE, 2758) — 1/2:1/2.

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.