Candidates Tournament 2024. 6-turdan keyin qo'shhokimlik davom etadi + FOTO

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon toji uchun davogar nomini aniqlab berish uchun o'zaro dona surishyapti.

Erkaklar o'rtasidagi turnirda amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Xuddi 5-turda bo'lgani singari 6-turning ikki partiyasida tomonlar murosaga kelishdi. Qolgan ikki partiyada shaxmatchilarning biri g'alabaga erishdi. Peshqadam Yan Nepomnyashiy bu turda oq donalarda harakat qilib, amerikalik Fabiano Karuana bilan durangga imzo chekdi. 

Hindistonlik Gukesh Dommaradju ham bu turda murosa ko'chasini tanladi. U amerikalik Hikaru Nakamura bilan durang qayd etdi. Bugun o'tkaziladigan 7-tur oldidan Gukesh va Nepomnyashiy 4 tadan ochko jamg'arib, turnir jadvalida qo'shhokimlik qilishyapti. 

Eslatib o'tamiz, 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 6-tur natijalari

Gukesh Dommaradju (Hindiston, 2743) — Xikaru Nakamura (AQSH, 2789) — 1/2:1/2.

Vidit Gudjrati (Hindiston, 2727) — Alireza Firudja (Franciya, 2760) — 1:0.

Rameshbabu Pragnanandxa (Hindiston, 2747) — Nidjat Abasov (Ozarbayjon, 2632) — 1:0.

Yan Nepomnyashhiy (FIDE, 2758) — Fabiano Karuana (AQSH, 2803) — 1/2:1/2.

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.