Candidates Tournament 2024. Nepomnyashiy yakka peshqadam FOTO + JADVAL

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon tojiga davogar nomini aniqlab berish uchun o'zaro dona surishyapti. Erkaklar o'rtasidagi turnirda amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Kecha o'tkazilgan 7-turning 3 ta partiyasida tomonlar murosaga kelishdi. Faqat bitta partiyada Alireza Firudja g'alaba qozondi. Franciyalik shaxmatchi hindistonlik Gukeshni taslim etdi. Aynan Gukeshning mag'lubiyati Yan Nepomnyashiyga qo'l keldi. Rossiyalik grossmeyster qora donalarda amerikalik Hikaru Nakamura bilan murosaga keldi va turnir jadvalida 4,5 ochko bilan yakka peshqadam bo'lib oldi. Fabiana Karuana, Gukesh Dommaradju va Rameshbabu Pragnanandha hisobida 4 tadan ochko bor. 

Eslatib o'tamiz, 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 7-tur natijalari

Xikaru Nakamura (AQSH, 2789) — Yan Nepomnyashhiy (FIDE, 2758) — 1/2:1/2

Fabiano Karuana (AQSH, 2803) — Rameshbabu Pragnanandxa (Hindiston, 2747) — 1/2:1/2

Nijat Abasov (Ozarbayjon, 2632) — Vidit Gudjrati (Hindiston, 2727) — 1/2:1/2

Alireza Firudja (Franciya, 2760) — Gukesh Dommaradju (Hindiston, 2743) — 1:0.

7-turdan keyingi turnir jadvalidagi holat:

1. Yan Nepomnyashiy – 4,5 ochko

2-4. Karuana, Gukesh, Pragnanandha – 4

5-6. Vidit, Nakamura – 3,5

7. Firudja – 2,5

8. Abasov – 2

Candidates Tournament 2024. 8-tur juftliklari

Xikaru Nakamura (AQSH, 2789) — Fabiano Karuana (AQSH, 2803)

Yan Nepomnyashhiy (FIDE, 2758) — Nijat Abasov (Ozarbayjon, 2632)

Rameshbabu Pragnanandxa (Hindiston, 2747) — Alireza Firudja (Franciya, 2760)

Vidit Gudjrati (Hindiston, 2727) — Gukesh Dommaradju (Hindiston, 2743) 

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.