Candidates Tournament 2024. Qo'shhokimlik davom etadi + JADVAL

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon tojiga davogar nomini aniqlab berish uchun o'zaro dona surishyapti. 

Mukofot jamg'armasi 500 000 evroni tashkil qiluvchi musobaqaning erkaklar o'rtasidagi bahslarida amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy o'z mahoratini namoyish etmoqda.

Kecha o'tkazilgan 9-turning 3 ta partiyasida tomonlar murosaga kelishdi. Faqat bitta partiyada Vidit Gudjrati peshqadamlar safida borayotgan amerikalik Xikaru Nakamurani mag'lub etishni uddaladi. Turnir jadvalida qo'shhokimlik qilib kelayotgan Dommaradju Gukesh va Yan Nepomnyashiy o'z partiyalarida durangga imzo chekishdi. 

Eslatib o'tamiz, 22 aprelga qadar davom etadigan ushbu turnir g'olibi amaldagi jahon chempioni, xitoylik grossmeyster Din Lijenga qarshi jahon toji uchun dona surish huquqini qo'lga kiritadi. 

Candidates Tournament 2024. 9-tur natijalari

Alireza Firudja (Franciya, 2760) — Yan Nepomnyashhiy (FIDE, 2758) — 1/2:1/2

Gukesh Dommaradju (Hindiston, 2743) — Rameshbabu Pragnanandxa (Hindiston, 2747) — 1/2:1/2

Nijat Abasov (Ozarbayjon, 2632) — Fabiano Karuana (AQSH, 2803) — 1/2:1/2

Vidit Gudjrati (Hindiston, 2727) — Xikaru Nakamura (AQSH, 2789) — 1:0

9-turdan keyingi turnir jadvalidagi holat:

1-2. Yan Nepomnyashiy, Gukesh – 5,5 ochkodan

3. Pragnanandha – 5 

4-6. Karuana, Nakamura, Vidit – 4,5

7. Firudja – 3,5

8. Abasov – 3.

Candidates Tournament 2024. 10-tur juftliklari

Xikaru Nakamura (AQSH, 2789) — Nijat Abasov (Ozarbayjon, 2632)

Fabiano Karuana (AQSH, 2803) — Alireza Firudja (Franciya, 2760) 

Yan Nepomnyashhiy (FIDE, 2758) — Gukesh Dommaradju (Hindiston, 2743) 

Rameshbabu Pragnanandxa (Hindiston, 2747) — Vidit Gudjrati (Hindiston, 2727) 

Malumot uchun, ushbu davogarlar turnirida hamyurtimiz Nodirbek Abdusattorov ishtirok etmayapti. Boisi, musobaqaning barcha sakkiz ishtirokchisi turli saralash turnirlari orqali yo'llanmani qo'lga kiritgan.