CHavandozlarimiz Qatar turnirida muvaffaqiyatli ishtirok etishdi

Ahamiyatilsi, O'zbekiston yilqichilik va ot sporti federaciyasi raisi vazifasini bajaruvchi Bahromjon Gaziev boshchiligida sportchilarimiz ham ushbu musobaqada qatnashishdi.

Takidlab o'tish joizki, “Longines” turkumidagi musobaqalar dunyo miqyosida katta obro'li sport musobaqasi hisoblanadi. Unda sayyoramizning eng sara chavandozlari bellashishadi. 26-29 fevral kunlari o'tkazilgan musobaqada dunyoning 25 dan ortiq mamlakatidan tashrif buyurgan 150 nafardan ziyod sportchilari qatnashdi. 

Turnir yakunlariga ko'ra “Longines Hathab – Medium Tour 2020” 120-120 sm bo'lgan to'siqlardan sakrash bellashuvlarida xamyurtimiz Oqil Sobirjonov eng yuqori natijalardan biri bilan ushbu turnirning kumush medaliga sazovor bo'ldi. “Longines Hathab – Open Class 2020” 115-125 sm bo'lgan musobaqada Baxromjon Gaziev chavandoz sifatida qatnashib, 73 ta sportchi orasida kuchli o'nlikka kirdi. 

Musobaqaning eng quvonarli xabarlaridan biri balandligi 130-145 sm bo'lgan to'siqlardan sakrash musobaqasida Abdushukur Sobirjonovning oltin medal sohibiga aylanishi bo'ldi. Hamyurtimiz Oqil Sobirjonov ham ushbu musobaqada qatnashib kuchli to'rttalikdan joy oldi.

Eslatib o'tamiz, o'tgan hafta hamyurtlarimiz Evropa arenalarida o'tgan musobaqada ham yuqori o'rinlarni egallashgan edi. Mazkur oyda sportchilarimizning yana bir qator turnirlarda yurtimiz sharafini himoya qilishlari rejalashtirilgan.