“CHegarachilar” polo bo'yicha “Mustaqillik kubogi”ni qo'lga kiritdi

Uch kun davom etgan musobaqada yurtimizning eng sara 10 jamoasi g'oliblik uchun bahs olib bordi. Hal qiluvchi bosqichda uchinchi o'rin uchun “Nest One Qorabayir Milliy brendi” va Milliy Gvardiya jamoalari kuch sinashgan bo'lsa, bosh sovrin uchun “CHegarachilar” “Temir yo'llari” jamoasi bilan raqobatlashishdi.

Uchinchi o'rin uchun kechgan kurashda “Nest One Qorabayir Milliy brendi” 6:2 hisobida ustun kelib, raqibini katta farq bilan mag'lubiyatga uchratishga muvaffaq bo'ldi. Final esa o'z nomiga yarasha o'ta murosasiz va keskin kurashlarga boy kechdi. Yakunda 1 ta to'p farqi bilan ustun kelgan “CHegarachilar” 5:4 hisobida ustun kelib, bosh sovrinni qo'lga kiritdi.

Musobaqaning taqdirlash marosimida so'z olgan mutasaddilar barchani Mustaqilligimizning 30 yilligi bilan muborakbod etib, polo sportining yurtimizda yanada rivojlanayotganini alohida takidlab o'tishdi. SHuningdek, bu kabi turnirlarni muntazam o'tkazib, uni ananaga kiritish rejasi haqida to'xtalishdi.