28 iyu 11:41
Yangiliklar

Futbol

"CHelsi" dunyodagi eng qimmat darvozabonning agenti bilan muzokaralarni boshladi

Londonning "CHelsi" klubi rahbariyati "Atletiko" darvozaboni Yan Oblakni xarid qilmoqchi.

"Aristokratlar" 27 yoshli sloveniyalik posbonning agenti bilan muzokaralarga kirishgan, bu haqda jurnalist Nikolo Skira xabar bermoqda. London klubi Oblakni shu yozda La Ligaga ketishi mumkin bo'lgan Kepa Arrisabalaganing o'rniga xarid qilmoqchi.

"CHelsi" Oblakning transferini amalga oshira olmagan taqdirda, "Ayaks" darvozaboni Andre Onana uchun harakat qilib ko'radi. Onana Oblakdan ko'ra arzonroqqa tushadi.

Eslatib o'tamiz, Yan Oblak dunyoning eng qimmat darvozaboni hisoblanadi. Futbolchining "Atletiko" bilan tuzgan shartnomasi 2023 yilning iyuniga qadar mo'ljallangan.