11 dek 14:14
Yangiliklar

Futbol

"CHelsi" yanvarda hujum chizig'ini kuchaytiradimi?

Teglar : CHelsi

"CHelsi" bosh murabbiyi Frenk Lempard londonliklar qishki transfer oynasida qanday poziciyani kuchaytirishi mumkinligini aytib o'tdi.

Eslatib o'tamiz, avvalroq Sport arbitraj sudi (CAS) FIFA tomonidan yosh futbolchilarni ro'yxatga olish qoidalarini buzgan "CHelsi"ga qo'yilgan taqiqni bekor qilgan edi.

"Menimcha, yanvarda hamma narsa tez sodir bo'ladi", - deya tushuntirdi Lempard.

"SHu daqiqadan boshlab yanvar oyining oxirigacha qanday kuchayishimiz haqida munozaralar bo'ladi. O'tgan mavsum bilan taqqoslaganda Eden Azar ketganidan keyin biz juda ko'p gol va ijodkorlikni yo'qotdik. Yaratilayotgan vaziyatlarimiz kam. Ehtimol, biz bu poziciyani kuchaytirish choralarini ko'rarmiz".

Avvalroq, "CHelsi"ning transfer maqsadlari "Borussiya Dortmund" yarim himoyachisi Jeydon Sancho va "Kristal Pelas" hujumchisi Uilfrid Zaa deb aytilgan edi.

CHempionlar Ligasi guruh bosqichining so'nggi turida "CHelsi" "Lill"ni mag'lub etdi (2:1) va "H" guruhida ikkinchi o'rinni olib, pley-off yo'llanmasini qo'lga kiritdi.

Havola :

Manba : championat.asia

Reyting: