CHempion Jon Jons og'ir jarohat olgani haqida xabar berdi

Bir yildan ortiqroq vaqt mobaynida oktagonda ko'rinish bermayotgan chempion aralash yakkakurash muxlislarini ajablantirishda davom etmoqda. Jons ijtimoiy tarmoqdagi sahifasiga post joylab, og'ir jarohat olgani va buning natijasida hatto faoliyatini yakunlashi mumkinligina ishora qilgan.  

"Las-Vegas aeroportida barmog'imning yarmini chopib tashlashdi", - deya xabar yozgan Jons.

Keyinchalik amerikalik chempion bu xabarini o'chirib tashlagan va jarohat bo'yicha hech qanday izoh yoki tushuntirish bermagan. Jon Jons o'tgan yilning mart oyida uch yillik tanaffusdan so'ng faoliyatini qayta tiklagandi. O'shanda u Siril Ganni birinchi raundning o'zidayoq gilotina usuli bilan mag'lubiyatga uchratgan va UFC chempionlik kamarini qo'lga kiritgandi. O'tgan yilning noyabrida amerikalik yakkakurash ustasi hamyurti Stipe Miochichdan kamarini himoya qilishi kerak edi. Lekin mashg'ulot chog'ida ko'krak qafasining muskullarini shikastlab olgani bois jang bekor qilingandi. 

Jon Jonsning so'zlariga ko'ra, uning Miochichga qarshi jangi 9 noyabr kuni AQSHning  Nyu-York shahrida tashkil etiladigan UFC 309 turniri doirasida o'tkazilishi kerak. Lekin hozircha bu jang rasman tasdiqlanmagan.