23 jan 09:08
Yangiliklar

Tennis

CHempion Yannik Sinner Australian Open 1/2 finalida!

Avstraliyaning Melburn shahrida tennis bo'yicha "Katta Dubulg'a" turkumiga kiruvchi yilning ilk musobaqasi davom etmoqda.

Dunyoning birinchi raketkasi, musobaqaning amaldagi chempioni Yannik Sinner ortiqcha qiyinchiliksiz Avstraliya Ochiq chempionatining yarim final ishtirokchisiga aylandi. Italiyalik tennischi 1/4 finalda ATP reytingida sakkizinchi o'rinni egallab turgan avstraliyalik Aleks De Minaurga hech qanday imkoniyat qoldirmadi - 6/3, 6/2, 6/1.

Tennischilarning o'zaro uchrashuvlaridagi hisob "suxoy" ko'rinishida o'ta yiriklashib ketdi - 10:0. Bir yuz sakkiz daqiqa davom etgan bahsda ikkala raketka ustasi ham 2 tadan eys zarbasini amalga oshirgan. Breyklar bo'yicha mutlaq ustunlik Sinner tomonida bo'ldi - 6 ga 0! Yannik faoliyatida beshinchi bor "Katta Dubulg'a" turnirlari 1/2 finalida o'ynaydi.