13 sen 07:54
Yangiliklar

Boshqalar

CHempionlar aniqlandi, yosh istedodlar bo'y ko'rsatdi FOTO

Mustaqilligimizning 27 yilligi munosabati bilan Piskent tumani markazidagi aholi dam olish maskanida joylashgan kurash arenasida “Aziz va yagonamsan, jonajon O'zbekistonim” shiori ostida belbog'li kurash bo'yicha ananaviy Respublika turniri bo'lib o'tdi.

Musobaqada Qoraqalpog'iston Respublikasi, Toshkent shahri va viloyatlardan 200 nafarga yaqin polvonlar to'qqizta vazn toifasida gilamda bellashishdi.

Bellashuvlarning so'nggi natijalariga ko'ra quyidagi polvonlar o'z vazn toifalarida g'oliblikni tantana qilishdi. Demak birinchi o'rin sohiblari bilan tanishtiramiz:

55 kg. Xolmirza Hasanboev (Toshkent sh.)

60 kg. Mardon Kimsanboev (Toshkent sh.)

66 kg. Komiljon Tojiboev (Toshkent v.)

73 kg. Husniddin Ro'ziev (Andijon)

81 kg. Eldor Nematov (Toshkent v.)

90 kg. Rustam Umarov (Namangan)

100 kg. Azamjon Anvarjonov (Andijon)

+100 kg. G'olib Ahmedov (Toshkent v.)

Mutloq vazn. G'olib Ahmedov (Toshkent v.)

Bellashuvlar yakuniga etgach, g'olib va sovrindorlar Piskent tuman hokimligi va O'zbekiston Belbog'li kurash federaciyasi tomonidan medal, diplom va pul mukofotlari bilan taqdirlanishdi.

Ravshan DASTIROV, O'zbekiston Belbog'li kurash federaciyasi raisi:

- Har yili Mustaqilligimiz shodiyonalari arafasida o'tkaziladigan ananaviy turnirning joriy yilgisi ham yuqori saviyada o'tganligi, ko'p sonli muxlislar polvonlarimizning har bir chiqishini olqishlab turganliklari Piskent tumanida ham belbog'li kurashning aholi orasida, ayniqsa yoshlar o'rtasida ommalashib ketganidan darak beradi.

SHuningdek, turnirning chiroyli va ko'taringki ruhda o'tishida Piskent tumani hokimi SHuhrat Ahmedov va hokimlik mutasaddilariga, homiy tashkilotlarga federaciyamiz nomidan minnatdorchilik bildiramiz. Bugungi o'tkazilgan bellashuvda ham yosh istedodli polvonlarning ko'pligi bizni quvontirdi. Ular kelajakda milliy terma jamoamiz saflarida turib, xalqaro musobaqalarda Yurtimiz shani va obrusi uchun munosib izdosh bo'lishi bor haqiqat.