CHempionlarni etishtirgan murabbiy bilan mahorat saboqlari + FOTO

Xususan, keyingi yillarda og'ir atletika bo'yicha O'zbekiston milliy terma jamoasi yirik xalqaro sport musobaqalarida muvaffaqiyatli ishtirok etib kelayotgani ham hech kimga sir emas.

Og'ir atletikachilarimizning xalqaro musobaqalardagi muvaffaqiyatli ishtiroki ko'pgina omillarga, jumladan, ularning texnik-taktik tayyorgarligiga ham bog'liq. SHu masalalar bugungi kunda soha mutaxassislarining diqqat markazida, desak adashmaymiz.

O'zbekiston davlat jismoniy tarbiya va sport universitetining “Og'ir atletika nazariyasi va uslubiyati” kafedrasi hamda O'zbekiston og'ir atletika fedraciyasi bilan hamkorlikda qo'shma ilmiy-amaliy seminar tashkil etildi.

Seminarda og'ir atletika bo'yicha milliy terma jamoamiz bosh murabbiyi, London-2012 olimpiya o'yinlari ishtirokchisi, ko'plab jahon va Osiyo chempionlarini etishtirgan murabbiy Bahrom Mendiboev o'zining “Yuqori malakali og'ir atletikachilar mashg'ulotlarida maxsus tayyorgarlik vositalarining samaradorligi” mavzusidagi maruzasi bilan ishtirok etdi hamda amaliy mashg'ulot o'tdi.

SHuningdek seminarda universitet talabalari bilan bir qatorda Jizzax va Nukus olimpiya zaxiralari kollejlarining og'ir atletika bo'limi sportchilari ham ishtirok etishdi.