02 okt 07:45
Yangiliklar
Tennis
CHenduda chempion bo'lgan Istomin endi qaysi turnirda qatnashadi?
Xabar berganimizdek, kecha Xitoyning CHendu shahrida tennis bo'yicha sovrin jamg'armasi 1 028 885 AQSH dollaridan iborat turnir Denis Istominning g'alabasi bilan yakunlangan edi.
Hamyurtimiz musobaqa davomida reytingda o'zidan ancha yuqorida turgan raqiblarini mag'lubiyatga uchratishga muvaffaq bo'lgandi. Bu Istomin uchun faoliyatidagi ikkinchi sovrin edi.
Ko'pchilikni Denisning endi qaysi turnirda ishtirok etishi qiziqtirishi tabiiy. Mamlakatimizning birinchi raketkasi bu hafta xordiq chiqaradi. U 9 oktyabr kuni asosiy to'r bahslari boshlanuvchi Toshkent “CHellenjer” turnirida mahoratini namoyish etadi.
Poytaxtimizdagi Respublika olimpiya zaxiralari kolleji kortlarida o'tkaziluvchi turnirning sovrin jamg'armasi 150 000 AQSH dollarini tashkil qiladi. O'tgan yilgi turnir finalida Istomin mag'lubiyatga uchrab, Toshkent “CHellenjer”i vice-chempioniga aylangan edi.
Havola :
Manba : olamsport.com
Fikrlar